ကျန်းမာရေးစနစ်ပိုမိုအားကောင်းခိုင်မာလာခြင်းမှသည် မြန်မာနိုင်ငံတွင် ကျန်းမာရေးစောင့်ရှောက်မှု လူတိုင်းလက် လှမ်းမီလွှမ်းခြုံရေးသို့

"ယနေ့ဆိုလျှင် အေအာတီဆေးအတွက် စောင့် နေရတဲ့ အေအိုင်ဒီအက်စ်လူနာတွေ မရှိတော့ပါဘူး၊ ဆေးယဉ်ပါးတီဘီရောဂါကုသမှုအတွက် ဆေးစောင့်ဆိုင်းနေရတဲ့ လူနာတွေလည်းမရှိတော့ပါဘူး။ ငှက်ဖျားရောဂါဖြစ် ပွားမှုဟာလည်းကျဆင်းလာပြီး မြန်မာနိုင်ငံမှာငှက်ဖျားရောဂါပပျောက်ရေးကို ဦးတည်ပြီးပိုဆောင်ရွက်လာနိုင်ပါပြီ။ အဲဒါတွေဟာ အေအိုင်ဒီအက်စ်၊ တီဘီ၊ ငှက်ဖျားရောဂါတွေရဲ့ ဝန်ထုပ်ဝန်ပိုးကိုလျှော့ချဖို့ဆိုတဲ့ကျန်းမာရေးဝန်ကြီးဌာနရဲ့ရည်မှန်းချက်တွေကိုအကောင်အထည်ပေါ်အောင်ကမ္ဘာ့ရန်ပုံငွေအဖွဲ့ကထောက်ပံ့ခဲ့လို့ဖြစ်ပါတယ်။"ဟုကျန်းမာရေးဦးစီးဌာနရောဂါတိုက်ဖျက်ရေးဌာနမှညွှန်ကြားရေးမှူးဒေါက်တာသန္တာလွင်ကသင်တန်းသားများကိုပြောကြားသွားသည်။


Professor Dr Myint Han, Director General from the Ministry of Health delivers an opening speech.	Participants of the training	Deputy Minister, H.E. Dr Thein Thein Htay , MOH, together with Dr Attila Molnar, Programme Director, UNOPS

၂၀၁၃ခုနှစ်စက်တင်ဘာလအတွင်းတွင်ကျင်းပခဲ့သောပြည်နယ်/တိုင်းဒေသကြီးကျန်းမာရေးဦးစီးဌာမှူးများသို့သင်ကြားပေးခဲ့သော၁၀ရက်ကြာငွေကြေးစီးဆင်းမှုဆိုင်ရာစံပြုလုပ်ထုံးလုပ်နည်းများသင်တန်းများနောက်တွင် ဆက်လက်၍ UNOPSသည် အမျိုးသားရောဂါတိုက်ဖျက်ရေးစီမံကိန်းများ( အေအိုင်ဒီအက်စ်၊ တီဘီ၊ငှက်ဖျား)တို့နှင့်ပူးပေါင်း၍"မြို့နယ်ကျန်းမာရေးဌာနများအပါအဝင်ကျန်းမာရေးစနစ်ကြီးတစ်ခုလုံးအားကောင်းခိုင်မာလာစေရန် အသိပေးစည်းရုံးခြင်းနှင့် စွမ်းဆောင်ရည်မြှင့်တင်ပေးခြင်း သင်တန်း"ကိုကျန်းမာရေးဝန်ကြီးဌာန၏လမ်းညွှန်မှုနှင့် အညီနေပြည်တော်တွင် ကျင်းပခဲ့သည်။

ဤသင်တန်းများကိုနေပြည်တော်တွင်၂၀၁၅ခုနှစ်မတ်လ၁၁ရက်မှ၃၁ရက်အတွင်းနှစ်ရက်ကြာသင်တန်းကိုးကြိမ်ဖွင့်လှစ်ခဲ့သည်။

ဤအသိပေးစည်းရုံးခြင်းနှင့်စွမ်းဆောင်ရည်တည်ဆောက်ခြင်းသင်တန်း၏ရည်ရွယ်ချက်မှာမြန်မာနိုင်ငံတစ်ဝန်းလုံး၏ကျန်းမာရေးစနစ်ကိုအားဖြည့်ရန်အတွက်ကျန်မာရေးဌာန၏မူဘောင်အတွင်းမှမြို့နယ်အဆင့်လုပ်ငန်းအားလုံးလွှမ်းခြုံသောစီမံချက်ရေးဆွဲရေး၊အင်အားတိုးမြှင့် လုပ်ဆောင်နိုင်ရေး၊တို့တွင်အသင့်ဖြစ်နေစေရန်အတွက်မြို့နယ်ကျန်မာရေးဦးစီးဌာနမှူးများကဲ့သို့သောရှေ့တန်းစီမံခန့်ခွဲသူများနှင့်၊ငွေကြေးစီးဆင်းမှုတွင်ပါဝင်ပတ်သက်နေ သောမြို့နယ်ငွေကိုင်စာရေးကြီးများတို့၏ငွေရေးကြေးရေးစီမံခန့်ခွဲမှုနိုင်စွမ်းကိုတည်ဆောက်ပေးရန်၊တိုးမြှင့် ပေးရန်ဖြစ်သည်။

၂ရက်ကြာသင်တန်းများကိုကိုးကြိမ်ကျင်းပပြီးဖြစ်သည်။သင်တန်းအကြိမ်အားလုံးကျင်းပပြီးလူ၁၀၀၀ခန့်ပါ၀င်ဆွေးနွေးတက်တရောက်ခဲ့ကြပြီးဤသင်တန်း၏အကျိုးကျေးဇူးကိုခံစားရမည်ဖြစ်သည်။ သင်တန်းသားတို့တွင်ပြည်နယ်/တိုင်းဒေသကြီးကျန်းမာရေးဦးစီးဌာနမှူးများ၊ခရိုင်ကျန်းမာရေးဦးစီးဌာနမှူးများ၊ ခရိုင်ကျန်းမာရေးအရှိများ ၊ လက်ထောက်ညွှန်ကြားရေးမှူးများ၊ မြို့နယ်ကျန်းမာရေးအရာရှိများ၊ အဖွဲ့ခေါင်းဆောင်ဆရာဝန်များ၊ မြို့နယ်တိုင်းမှငွေကြေးဆိုင်ရာစာရေးကြီးများပါဝင်ကြသည်။ ရောဂါသုံးမျိုး(အေအိုင်ဒီအက်စ်၊ တီဘီ၊ ငှက်ဖျား)မှဗဟိုအဆင့် အထက်တန်းအရာရှိများ၊ UNOPSမှ ဝန်ထမ်းများကသင်တန်းကိုပူးတွဲတာဝန်ယူပို့ချကြရာတွင်သင်တန်းသားတို့ကတက်ကြွစွာပါဝင်ဆွေးနွေးကြသည်။


Opening session of the training on Advocacy and Capacity Building on System Strengthening of Township Health Departments, Nay Pyi Taw, 11-12 March 2015

ဒုတိယဝန်ကြီးဒေါက်တာသိန်းသိန်းဌေးနှင့်ကျန်းမာရေးဦးစီးဌာန၏ညွှန်ကြားရေးမှူးချုပ်ပါမောက္ခဒေါက်တာမြင့်ဟန်တို့ကအဖွင့်မိန့်ခွန်းပြောကြားခဲ့သည်။ကျန်းမာရေးဝန်ကြီးဌာနမှဒုညွှန်ကြားရေးမှူးချုပ်များ၊ညွှန်ကြားရေးမှူးများ၊ပြည်နယ်/တိုင်းဒေသကြီးကျန်းမာရေးဦးစီးဌာနမှူးများ၊ခရိုင်နှင့်မြို့နယ်ကျန်းမာရေးအရာရှိများသည် အေအိုင်ဒီအက်စ်၊ တီဘီ၊ ငှက်ဖျားရောဂါ အမျိုးသားစီမံကိန်းများမှတာဝန်ရှိသူများ၊ ကုလသမဂ္ဂဌာနများမှ လုပ်ဖော်ကိုင်ဖက်များနှင့်အတူဖွင့်ပွဲအခမ်းအနားများသို့တက်ရောက်ခဲ့ကြသည်။

အဖွင့်မိန့်ခွန်းတွင်ဒေါက်တာသိန်းသိန်းဌေးကကျန်းမာရေးဝန်ကြီးဌာန၏အဓိကရည်မှန်းချက်တစ်ခုဖြစ်သောကျန်းမာရေးစောင့်ရှောက်မှုလူတိုင်းလက်လှမ်းမီလွှမ်းခြုံရေးကို၂၀၃၀ပြည့်နှစ်တွင်ရရှိနိုင်ရေးအတွက် ကျန်းမာရေးဝန်ဆောင်မှုကိုအရေအတွက်ရောအရည်အချင်းပါတိုးတက်စေရန်နှင့်ကျန်းမာရေးစနစ်၏အဆင့်တိုင်းတွင်အားဖြည့်ပေးရန်အရေးကြီးမှုကိုအလေးအနက်ထားကာပြောကြားခဲ့သည်။

ထို့ပြင်မြန်မာနိုင်ငံ၏ကျန်းမာရေးစနစ်တွင်ကမ္ဘာကျန်းမာရေးအဖွဲ့ကချမှတ်ထားသောကျန်းမာရေးစနစ်တည်ဆောက်မှုအခြေခံမဏ္ဍိုင်ကြီး၆ခု၊ကမ္ဘာ့ဘဏ်အဖွဲ့မှချမှတ်ထားသောcontrolknobsစသဖြင့်ကျန်းမာရေးစနစ်တည်ဆောက်မှုကို တခုချင်းစီအလိုက် အားကောင်းခိုင်မာလာစေရန် အရေးပါပုံကို ဆွေးနွေးပြောကြားခဲ့သည်။ ကျန်းမာရေးဝန်ထမ်းများအနေနှင့် နိုင်ငံတကာ စံနှုန်းများနှင့် အညီ၊ စီမံကိန်းစီမံခန့် ခွဲမှု၊ပစ္စည်းဝယ်ယူရေးနှင့်ထောက်ပံ့ရေးစီမံခန့်ခွဲမှု၊ငွေရေးကြေးရေးစီမံခန့်ခွဲမှု၊သတင်းအချက်အလက်စီမံခန့်ခွဲမှုစသည့်စီမံခန့်ခွဲမှုတို့ကိုကျွမ်းကျင်စွာ၊အရည်အသွေးပြည့်မီစွာဆောင်ရွက်နိုင်ရန်စွမ်းဆောင်ရည်တည်ဆောက်ပေးရန်ကိုလည်း မီးမောင်းထိုးပြခဲ့သည်။

UNOPSကမ္ဘာ့ရန်ပုံငွေမှစီမံကိန်းညွှန်ကြားရေးမှူးဒေါက်တာအတီးလားမောလနာကလည်းငွေကြေးစီးဆင်းမှုစီမံခန့်ခွဲနိုင်ရန်စံလုပ်ထုံးလုပ်နည်းများနှင့်၊မူဝါဒများကိုကောင်းစွာနားလည်သဘောပေါက်ရန်အရေးပါပုံကိုပြောကြားခဲ့သည်။၄င်းအပြင်ပိုမိုကောင်းမွန်သောစီမံခန့်ခွဲမှု၊ကြံ့ခိုင်သောအုပ်ချုပ်မှုစွမ်းရည်များ၊ငွေကြေးစနစ်များ၊ထိန်းချုပ်မှုများကိုတည်ဆောက်ရာတွင်အားဖြည့်ပေးရာတွင်ငွေကြေးစီးဆင်းမှုစနစ်နှင့်အတူစီမံခြင်း၊ဘတ်ဂျက်ရေးဆွဲခြင်း၊ထိန်းချုပ်ခြင်း၊အတည်ပြုခြင်း၊တာဝန်ခံမှုစနစ်များလုပ်ငန်းစဉ်များတို့ကိုလည်းသုံးစွဲရမည်ဖြစ်ကြောင်းဆက်စပ်တင်ပြသွားသည်။ထို့ပြင်မြန်မာနိုင်ငံအတွက်မြန်မာနိုင်ငံတွင်ယခုရရှိနေသောရန်ပုံငွေအမျိုးမျိုးစီမံကိန်းအမျိုးမျိုး၊၀ယ်ယူရေးစနစ်အမျိုးမျိုးတို့ကိုစနစ်တစ်ရပ်တည်းအဖြစ်ပေါင်းစပ်နိုင်ရန်အခြေခံအုတ်မြတ်ခိုင်မာစွာတည်ဆောက်အကောင်အထည်ဖော်ရာတွင်မည်သည့်စီမံကိန်းတွင်မဆိုဤစနစ်ကိုထည့်သွင်းအသုံးပြုနိုင်ကြောင်းကိုလည်းရှင်းပြခဲ့သည်။

ကျန်းမာရေးဦးစီးဌာနရောဂါတိုက်ဖျက်ရေးဌာနမှညွှန်ကြားရေးမှူးဒေါက်တာသန္တာလွင်ကယခုကဲ့သို့အမျိုးသားအဆင့်တပြည်လုံးအတိုင်းအတာဖြင့်ပြုလုပ်သောသင်တန်းများသည်၊ကျန်းမာရေးစနစ်ပိုမိုအားကောင်းခိုင်မာလာရန်၊ရရှိနေသောရန်ပုံငွေအမျိုးမျိုးကိုစီမံခန့်ခွဲနိုင်ရန်၊အလယ်တန်းနှင့်အထက်တန်းကျန်းမာရေးစနစ်စီမံခန့်ခွဲသူတို့ကိုနိုင်ငံတကာအဆင့်မီစီမံခန့်ခွဲနိုင်မူစွမ်းရည်များတိုးတက်စေရန်စီမံခြင်း၊ဘတ်ဂျက်ရေးဆွဲခြင်းအပါအဝင်ငွေရေးကြေးရေးစီမံခန့်ခွဲမှု၊စီမံကိန်းစီမံခန့်ခွဲမှု၊ပစ္စည်းဝယ်ယူရေးနှင့်ထောက်ပံ့ရေးစီမံခန့်ခွဲမှု၊သတင်းအချက်အလက်စီမံခန့်ခွဲမှု၊စောင့်ကြည့်အကဲဖြတ်ခြင်းစွမ်းဆောင်ရည်တို့တည်ဆောက်ပေးရာတွင်အရေးပါပုံကိုအလေးအနက်ရှင်းပြခဲ့သည်။

ကျန်းမာရေးဌာနမှအလယ်တန်းနှင့်အထက်တန်းကျန်းမာရေးစီမံခန့်ခွဲသူတို့၏စီမံခန့်ခွဲမှုစွမ်းရည်ပိုမိုအားကောင်းခိုင်မာလာခြင်းမှသည်ကျန်းမာရေးဝန်ကြီးဌာနကPRဖြစ်လာတဲ့အခါအဆင်သင့်ဖြစ်နေရန်ကိုလည်းရှင်းပြခဲ့သည်။

၂ရက်ကြာသင်တန်းတစ်ကြိမ်တိုင်းတွင်တင်ပြခြင်းအပြန်အလှန်ဆွေးနွေးခြင်းတို့အပြင်၊လုပ်ငန်းစီမံချက်ရေးဆွဲခြင်းဘတ်ဂျက်ရေးဆွဲခြင်းစီမံချက်ရေးဆွဲခြင်းစောင့်ကြည့်ခြင်းနှင့်အကဲဖြတ်ခြင်းတို့ကိုအုပ်စုလိုက်ဆောင်ရွက်ခြင်းတို့လည်းပါဝင်သည်။

အစိုးရ၏ငွေရေးကြေးရေးဆိုင်ရာစည်းမျဉ်းစည်းကမ်းလုပ်ထုံးလုပ်နည်းများကိုလည်းကျန်းမာရေးဝန်ကြီးဌာနဘဏ္ဍာရေးဌာနမှဒုတိယညွှန်ကြားရေးမှူးဦးဝင်းဦးကတင်ပြခဲ့သည်။သင်တန်းသားများသည်ငွေစာရင်းရှင်းတန်းများ၊ တောင်းခံလွှာများပြီးပြည့်စုံမှု ရှိ/မရှိသိရှိရန်၊ လုပ်ငန်းစီမံချက်များရေးဆွဲရန်၊ တို့ကိုစံလုပ်ထုံးလုပ်နည်းများမူဝါဒများအတိုင်းလက်တွေ့ဖြည့်သွင်းလေ့ကျင့် ခွင့် များရခဲ့ကြသည်။

ဤအသိပေးစည်းရုံးခြင်းနှင့် စွမ်းဆောင်ရည်တည်ဆောက်ခြင်းသင်တန်းသည် တစ်နိုင်ငံလုံးရှိ ပြည်နယ်၊ တိုင်းဒေသ၁ရခုတို့မှ ၃၁၉ မြို့နယ်ကျော်ကိုကိုယ်စားပြုသောရှေ့တန်းကျန်းမာရေးဦးစီးဌာနများအပါအဝင် ပြည်နယ်/တိုင်းဒေသကြီး၊ ခရိုင်/မြို့နယ်အဆင့်မှသင်တန်းသား၁၀၀၀ကျော်တို့တက်ရောက်ခဲ့သဖြင့် အကြီးအကျယ်အောင်မြင်ခဲ့သည်။

အေအိုင်ဒီအက်စ်၊တီဘီ၊ငှက်ဖျားရောဂါတို့ကိုတိုက်ဖျက်နေသောရှေ့တန်းကျန်းမာရေးဝန်ဆောင်မှုပေးသူများဖြစ်သည့်ကျန်းမာရေးအရာရှိတို့၏စီမံခန့်ခွဲရေးစွမ်းရည်ကိုမြှင့်တင်ခြင်းဖြင့်ကျန်းမာရေးဝန်ကြီးဌာနနှင့်UNOPSတို့လက်တွဲကာမြို့နယ်ကျန်းမာရေးဦးစီးဌာနများအပါအဝင်ကျန်းမာရေးစနစ်တခုလုံးပိုမိုအားကောင်းခိုင်မာလာစေရန်အားထုတ်မှုမှသည်ကြံ့ခိုင်သောကျန်မာရေးစီမံခန့်ခွဲမှုစနစ်များဖြစ်ထွန်းလာခြင်း၊ပိုမိုတာဝန်ခံနိုင်သည့်တာဝန်ယူနိုင်စွမ်းတိုးတက်လာခြင်း၊ကျန်မာရေးဝန်ဆောင်မှုပေးနိုင်စွမ်းတိုးတက်လာခြင်းဖြင့်အရည်အသွေးပြည့်မီသောကျန်းမာရေးစောင့်ရှောက်မှုမြန်မာနိုင်ငံတွင်လူတိုင်းလက်လှမ်းမီ လွှမ်းခြုံရေးသို့ အောင်မြင်စွာ ရှေ့တက်လှမ်းနိုင်ခဲ့ပြီဖြစ်သည်။

Voices: From health personnel involved in fighting AIDS, TB and malaria at various levels

ဒေါက်တာစည်သူအောင်၊ စီမံကိန်းမန်နေဂျာ၊ အမျိုးသားတီဘီရောဂါ တိုက်ဖျက်ရေးစီမံကိန်း၊ ကျန်းမာရေးဦးစီးဌာန

ကျွန်တော်ကဒီသင်တန်းမှာသင်တန်းဆရာအဖြစ်နဲ့တာဝန်ယူဆောင်ရွက်ပါတယ်။ ဒီသင်တန်း ကျင်းပရခြင်းရဲ့ ရည်ရွယ်ချက်ကတစ်တိုင်းတစ်ပြည်လုံးမှာရှိတဲ့မြို့နယ်ဆရာဝန်ကြီးများနဲ့အတူလက်တွဲလုပ်ကိုင်နေတဲ့ငွေကိုင်စာရေးကြီးများကိုကမ္ဘာ့ရန်ပုံငွေနဲ့ပတ်သက်တဲ့ငွေကြေးစီမံခန့်ခွဲမှုအားလုံးစနစ်တကျအကျွမ်းတဝင်သိရှိနားလည်ရန်ဖြစ်ပါတယ်။ ဒီကနေကမ္ဘာ့ရန်ပုံငွေကို ဘယ်လိုစီမံခန့်ခွဲမလဲ၊စနစ်တကျဘယ်လိုသုံးစွဲမလဲ၊ငွေကြေးစာရင်းရှင်းတမ်းကို ဘယ်လိုလုပ်မလဲ၊ ဆိုတာတွေကို သိရှိနားလည်လာပြီးနောက် ၂၀၁၆ ခုနှစ်အလွန်၂၀၁၇ခုနှစ်မှာကျန်းမာ ရေးဝန်ကြီးဌာနကPR အဖြစ်လာတဲ့အခါ အဆင်သင့်ဖြစ်နေရန် ရည်ရွယ်ပါတယ်။

မြို့နယ်ပေါင်း၃၃၀ကျော်ဆိုတော့တစ်ပြိုင်နက်တည်းဖိတ်လို့မဖြစ်နိုင်ပါဘူး။ဒါကြောင့်အလှည့်ကျပေါ့အသုတ်တွေ(၉)သုတ်ခွဲပြီးတော့တသုတ်မှာအနည်းဆုံးသင်တန်းသား(၉၀)ပတ်ဝန်းကျင်အထိပါ၀င်နိုင်ဖို့ဖိတ်ကြားထားပါတယ်။သင်တန်းတစ်ခု (၂)ရက်နှုန်းနဲ့ရက် (၁၈)ရက်ဆက်တိုက် သင်တန်းကျင်းပပါတယ်။

မတူတာကဒီနှစ်မှာငွေကြေးဆိုင်ရာစီမံခန့်ခွဲမှုနည်းစနစ်အသစ်တစ်ခုဖြစ်တဲ့ကြိုတင်ငွေထုတ်ပေးခြင်းစနစ်တစ်ခုထပ်ပြီး(တိုက်ရိုက်ငွေထုတ်ပေးခြင်းနှင့်သုံးစွဲပြီးငွေပြန်လည်ထုတ် ပေးခြင်းတို့အပြင်)တိုးလာပါတယ်။ သင်တန်းသားတွေမှာ ကျန်းမာရေးဦးစီးဌာနမှူးတွေအပြင်ဦးစီးဌာနငွေကြေးဆိုင်ရာစီမံခန့်ခွဲမှုအဓိကလုပ်ပေးနေတဲ့ ငွေစာရင်းစာရေးကြီး တွေကို ဒီသင်တန်းမှာ ထပ်မံဖိတ်ခေါ်ထားတဲ့အတွက် သင်တန်းသားတိုးလာပါတယ်။ လူဦးရေတိုးလာပါတယ်။ တစ်ချိန်တည်းမှာ သူတို့တွေကို အစိုးရရဲ့ဘဏ္ဍာရေးလုပ်ထုံးလုပ်နည်းတွေကို တင်ပြသွားပါတယ်။

မနှစ်ကလည်းကမ္ဘာရန်ပုံငွေအဖွဲ့ရဲ့ လုပ်ထုံးလုပ်နည်းအပြင် အစိုးရရဲ့ ဘဏ္ဍာရေးလုပ်ထုံးလုပ်နည်းတွေကိုအငြိမ်းစားယူ သွားတဲ့ဆရာကြီးဦးကျော်ဌေးညွှန်ကြားရေးမှူး(အငြိမ်းစား)၊ဘဏ္ဍာရေး(ကျန်းမာရေးဦးစီးဌာန)ကိုယ်တိုင်တင်ပြသွားပါတယ်။ဒီနှစ်မှာလည်းဆရာကြီးဦးဝင်ဦး၊ဒုတိယညွှန်ကြားရေးမှူး၊ဘဏ္ဍာရေး၊ကျန်းမာရေးဦးစီးဌာနကအစိုးရရဲ့ဘဏ္ဍာရေးလုပ်ထုံးလုပ်နည်းတွေကိုလာသင်ပေးပါတယ်။ဒီအစိုးရရဲ့ဘဏ္ဍာရေးလုပ်ထုံးလုပ်နည်းတွေကိုကမ္ဘာ့ရန်ပုံငွေရ ဲ့ငွေကြေးစီမံခန့်ခွဲမှုလုပ်ထုံးလုပ်နည်းနှစ်ခုဟာဘယ်လိုရှိလဲဘာတွေကွာလဲဆိုတာကိုသင်တန်းသားတွေသိရှိအောင်ထင်ဟပ်တင်ပြသွားမှာဖြစ်ပါတယ်။

ဦးဝင်းဦး၊ ဒုညွှန်ကြားရေးမှူး (ဘဏ္ဍာရေး) ၊ ကျန်းမာရေးဦးစီးဌာန

ကျန်းမာရေးဝန်ကြီးဌာနမှာလုပ်နေတဲ့ဘဏ္ဍာရေးလုပ်ထုံးလုပ်နည်းတွေစာရင်းပြုစုနည်းတွေလက်ရှိရသုံးမှန်ခြေငွေစာရင်းရေးဆွဲပုံ၊ရေးဆွဲနည်းအဆင့်ဆင့်တွေအကောင်အထည်ဖော်မှုတွေ အကောင်အထည်မဖေါ်ခင် စစ်ဆေးပြင်ဆင်မှုတွေနဲ့ ပတ်သက်ပြီး သိသင့်သိထိုက်တာတွေကို ကျွန်တော်တို့ပို့ချဆွေးနွေးပေးပါတယ်။ ကမ္ဘာ့ဘဏ်ကလည်း ချေးငွေဒေါ်လာသန်း (၁၀၀) ကို ရမယ်ဆိုတော့ အဲဒီပိုက်ဆံကို အကျိုးရှိရှိအသုံးချနိုင်ဖို့ လုပ်ထုံးလုပ်နည်းတွေ၊ညွှန်ကြားချက်တွေကိုသီးခြားGuidelineရေးဆွဲပြီးအဲဒီအတိုင်းအကောင်အထည်ဖော်နိုင်အောင်စာရင်းပြုစုနိုင်ဖို့၊အဲဒါတွေကိုလည်းဆက်လက်ပြီးဆွေးနွေးရန်ရှိပါတယ်။သင်တန်းသားတွေအားလုံးစိတ်ဝင်တစားတက်ကြွစွာနဲ့ လိုအပ်တာတွေ ကိုမေးမြန်းကြပါတယ်။ အခုမတ်လက အစိုးရရဲ့ budget ပိတ်တဲ့ကာလမှာအလုပ်များတဲ့ကြားကအခုလိုမျိုးအချိန်ပေးပြီးတက်ရောက်ကျတဲ့အတွက်၀မ်းသာပါတယ်။အခက်အခဲရှိရင်လည်းတစ်ထိုင်တည်းနဲ့ပြောပြလို့ရတဲ့အတွက်အကျိုးကျေးဇူးရှိပါတယ်။နောင်အခါမှာအစိုးရရဲ့ဘဏ္ဍာရေးစီမံခန့်ခွဲမှုလုပ်ထုံးလုပ်နည်းနဲ့ပတ်သက်ပြီးအခက်အခဲတွေရှိရင်လည်းအချိန်မရွေးကျွန်တော်တို့ကိုဆက်သွယ်မေးမြန်းနိုင်ပါတယ်။ကျွန်တော်တို့ကကူညီဖို့အဆင်သင့်ပါဘဲ။

ဒေါက်တာခင်နန်းလုံ၊ ခရိုင်ကျန်းမာရေးဦးစီးဌာနမှူး၊ ရန်ကုန်အရှေ့ပိုင်းခရိုင်

ဒီသင်တန်းကနေပြီးတော့အောက်ခြေကအဆင့်ဆင့်တက်လာတဲ့အမှန်တကယ်လိုအပ်ချက်တွေပေါ်မှာအခြေခံတဲ့မြို့နယ်အဆင့်လုပ်ငန်းအားလုံးလွှမ်းခြုံတဲ့စီမံချက်တွေရေးဆွဲနိုင်ရန်ဖြစ်ပါတယ်။မိမိမြို့နယ်မှာပူးပေါင်းဆောင်ရွက်နေကြတဲ့မိတ်ဖက်အဖွဲ့အစည်းများနှင့်သူတို့ရဲ့ဆောင်ရွက်မှုအစီအရင်ခံစာများရရှိပြီး ပိုမိုပေါင်းစပ်ညှိနှိုင်းပေးရန်ဖြစ်ပါတယ်။ လက်တွေ့လုပ် ကြည့်တဲ့အခါ တစ်ကယ့်သင်တန်းမှာ တချို့မြို့နယ်ကျန်းမာရေးဌာနမှူးတွေက work plan တွေကို မသိသေးတာတွေလည်း ပါတယ်။ အခုတော့ သူတို့တကယ်လုပ်နေရတာနဲ့ work plan နဲ့ကို ကြည့်လိုက်တဲ့အခါ သူတို့ဘယ်လိုလုပ်ရမလဲဆိုတာကို သဘောပေါက်သွားတဲ့အတွက် အထောက် အကူအများကြီးဖြစ်တယ်။ ကမ္ဘာ့ရန်ပုံငွေက အစိုးရရဲ့ budget လုပ်ထုံးလုပ်နည်းနှင့် ယှဉ်ရင်အရမ်း strict ဖြစ်တယ်။ စလုပ်က တည်းက အောက်ခြေက အမှန်တကယ် ဘာတွေလိုအပ်သလဲ၊သိအောင်လုပ်ပြီးသုံးလတစ်ကြိမ်ပြန်ဆွေးနွေးတယ်။တကယ်လုပ်နေရင်းနဲဘာအခက်အခဲတွေရှိသလဲဆိုတာ ချက်ခြင်းသုံးသပ်၊ အထက်ကိုတစ်ခါတည်း ပြောပြီး UNOPS ရဲ့ ရုံးချုပ်ကိုပြောပြီး လိုအပ်တာပြန်ဖြည့်ပေးပါ တယ်၊ ငွေကြေးစီမံခန့်ခွဲမှု (Managed Cash Flow) ဟာ သုံးနှစ်အကြာမှာတကယ် Flexible ဖြစ်လာပြီး ခရီးစရိတ်ကိုလည်း အရင်က UNICEF ရဲ့ နှုန်းထားနဲ့ပေးတယ်။အခုဒီထက်ပိုကုန်ကျရင်လည်းအဲဒီစရိတ်နဲ့အမှန်တကယ်ကုန်ကျစရိတ်ကိုတင်ပြပြီးတောင်းနိုင်တာတွေကိုGlobal Fundက ဦးဆောင်ပြီး လုပ်ပြသွားပြီဆိုတော့ World Bank နဲ့ တစ်ခြား fundingsourcesတွေလာမယ်ဆိုတဲ့အခါမှာဒီဥပမာတွေနဲ့တကယ်လုပ်မှအကျိုးရှိမယ်ဆိုတာသိလာပြီးပြန်လည်ညှိနှိုင်းလုပ်မယ်ဆိုရင်ကျွန်မတို့တိုင်းပြည်အတွက်အများကြီးတိုးတက်လာပါမယ်။ ဒါကြောင့် ဒီသင်တန်းဟာ သုံးကြိမ်မြောက်တဲ့အခါ ပိုပြီးအကျိုးရှိလာတယ်လို့ ပြောချင်ပါတယ်။

ဒေါက်တာအောင်သီ၊ စီမံကိန်းမန်နေဂျာ၊အမျိုးသားငှက်ဖျားရောဂါတိုက်ဖျက်ရေးစီမံကိန်း၊ ကျန်းမာရေးဦးစီးဌာန

အမျိုးသားစီမံကိန်းများအနေနဲ့အားလုံးစီစဉ်ဆောင်ရွက်ပြီးတော့ အစီအစဉ်ရေးဆွဲပြီးအောက်ခြေ ကိုချပေးလိုက်တဲ့အခါမှာကျွန်တော်တို့ယူဆတာတွေနဲ့အောက်ခြေကတကယ်လုပ်ဆောင်တာတွေနဲ့တစ်ခါတစ်ရံမကိုက်ညီတာတွေရပါတယ်။ ဒီတော့ ငွေကြေးစီမံခန့်ခွဲမှုအပိုင်းမှာ အဆင်မပြေ တာတွေရှိခဲ့ပါတယ်။တကယ်လို့သူတို့အားလုံးဒါတွေကိုသိရှိသွားပြီးအောက်ခြေကနေအဆင့်ဆင့်ပြန်တက်လာတဲ့microplanတွေ အခြေခံကျန်းမာရေးဝန်ထမ်းတွေ စိတ်ထဲမှာသိသွားရင် စီမံခန့်ခွဲမှုတွေကို သူတို့ကိုယ်တိုင်သိရှိသွားပြီး အသေးစိတ်ဆောင်ရွက်ရာတွင်လည်းကောင်း ငွေကြေးစီမံခန့်ခွဲမှုအတွက်လည်းအရေးပါတယ်။အားလုံးပဲသိဖူးကြားဖူးမြင်သွားပြီးလေ့လာရင်းနဲ့ဒီလုပ်ငန်းစီမံချက်တွေမြို့နယ်ကတက်လာတဲ့အခါကျွန်တော်တို့ကနေပြီးတော့သူတို့ရဲ့စီမံခန့်ခွဲမှုတွေကို ကြီးကြပ်ရုံလောက် ဘဲဆိုတော့ အများကြီး အကျိုးရှိပါတယ်။

ဒီသင်တန်းနှစ်ရက်မှာ ပါတဲ့အကြောင်းအချက်လက်တွေဟာလည်း ကျွန်တော်တို့ အခြေခံဝန်ထမ်း တွေရဲ့စွမ်းဆောင်ရည်မြှင့်ပေးတာနဲ့အတူတူပါဘဲ၊တစ်ချိန်တည်းမှာပါကျန်းမာရေးစနစ်ကြီးတစ်ခုလုံးကျန်းမာရေးစောင့်ရှောက်မှု၀န်ဆောင်မှုလုပ်ငန်းတွေအားလုံးကို ပိုပြီးအားပြည့်လာစေမယ် ဆိုတော့ အများအကျိုးရှိပါတယ်။ ဒီသင်တန်းကနေပြီးတော့ နည်းပညာပိုင်းဆိုင်ရာ ပိုမို ကျွမ်းကျင်မှု တွေ ရှိလာပါမယ်။ ကျွန်တော်တို့တွေနဲ့ ပေါင်းစပ်ဖို့ ပိုမိုလမ်းပွင့်လာရန် အခွင့်အရေးတွေ ရှိလာပါတယ်။ သင်တန်းမဟုတ်ဘဲဆွေးနွေးတဲ့ အလုပ်ရုံဆွေးနွေးပွဲ တစ်ခုပါ။ တကယ် လတ်တလောမြေပြင်အနေအထားခံစားတွေ့မြင်နေရတာတွေကို ပိုမိုသိရှိလာပြီး ကျွန်တော် အမျိုးသားစီမံကိန်း တွေ့နဲ့ ပိုမိုပေါင်းစပ်ညှိနှိုင်းဖြေရှင်းလာနိုင်ပါမယ်။ ရေရှည်လုပ်ငန်းတွေမှာ ဆက်သွယ်မှုလမ်းကြောင်းပိုမိုပွင့်လာပြီး မြေပြင်အနေအထားအရဘယ်လိုအကောင်းဆုံးဆောင်ရွက်နိုင်မလဲဆိုတာကို ပေါင်းစည်းအဖြေရှာနိုင်ကြမှာပါ။

ကျွန်တော်တို့ကဒီသင်တန်းမှာအတွေ့အကြုံယူပြီးနောက်မှာသူတို့အတွက်ဘယ်ဟာတွေကိုဦးစားပေးဆောင်ရွက်ပေးရမယ်ဆိုတာကို ကျွန်တော်တို့ကနေဆရာ၊ ဆရာမတွေကို ပြန်လည်ပြောပြ ပေးဖို့သိရှိလာရတဲ့အတွက်ပိုမိုကောင်းအောင်ဆောင်ရွက်ဖိုရှိပါတယ်။

ဒီအုပ်စုဖွဲ့ဆွေးနွေးမှုတွေမှာလည်းအားတက်သရော်လုပ်တာကိုတွေ့ရပါတယ်။အရင်တုန်းကအားလုံးကိုဗဟိုချုပ်ကိုင်မှုများပြီးသူတို့စွမ်းဆောင်ရည်ကိုပြသခွင့်အခုလောက်မရှိခဲ့ပါဘူး။ယခုလုပ်ဆောင်ရမှာသိသွားတဲ့အတွက်သူတို့ရဲ့အစွမ်းအစတွေကိုပိုမိုထုတ်ဖော်နိုင်ခွင့်ရကြပြီးအားတက်သရော်ပါ၀င်ဆွေးနွေးကြပါတယ်။ကျွန်တော်တို့လည်းသူတို့ထံကပညာပြန်ယူနိုင်ပါတယ်။ပိုမိုပေါင်းစပ်ညှိနှိုင်းရမယ့်လုပ်ငန်းတွေသိရှိလာတဲ့အတွက်အထူးအားရကျေနပ်မိပါတယ်။

ဒေါက်တာမျိုးစုကြည်၊လက်ထောက်ညွှန်ကြားရေးမှူး၊ အမျိုးသားတီဘီရောဂါတိုက်ဖျက်ရေးစီမံကိန်း၊ ကျန်းမာရေးဦးစီးဌာန

UNOPSကသူတို့ရဲ့ ငွေကြေးစီမံခန့်ခွဲမှုကို ပြောသွားပါတယ်။ အပိုင်းလိုက် M & E , Claim တင်ပုံ၊ Procurement နဲ့ ပတ်သက်တာသင်သွားပြီး လာတဲ့သူတွေမှာလည်း ကျန်းမာရေးနဲ့ပတ်သက် ပြီး အခြေခံကနေလုပ်နေတဲ့ မြို့နယ်တွေကလာတဲ့ဝန်ထမ်းတွေပါတဲ့အတွက် အကုန်လုံး အောင်မြင်ပါတယ်။ မြန်မာပြည် တစ်ပြည်လုံး ကျန်းမာရေးဌာနတွေအားလုံး၊ ဦးစီးကနေစပြီး အောက်ခြေအထိ အားလုံးကို ဒီ ငွေကြေးစီမံခန့်ခွဲမှုကိုသိစေချင်ပါတယ်။ဒီ့အပြင်ကျန်းမာရေးဝန်ကြီးဌာနဘဏ္ဍာရေးမှဒုတိယညွှန်ကြားရေးမှူးဆရာကြီးဦးဝင်းဦးကလည်းလာရောက်ပြောကြားပေးတဲ့အတွက်ကြောင့်ကမ္ဘာ့ရန်ပုံငွေငွေကြေးစီမံခန့်ခွဲမှုကဘယ်လိုကျန်းမာရေးဦးစီးဌာန၊ဘဏ္ဍာရေးကလည်းဘာတွေလုပ်ဆောင်နေတယ်ဘာတွေလိုအပ်တယ်ဆိုတာကိုပိုမိုသိရှိလာပါတယ်။ManagedCashFlowMechanismမှာသူတို့တကယ်လုပ်ကိုင်နေရတဲ့အခက်အခဲတွေရှိပါတယ်။မသိတာတွေဆွေးနွေးပြီး၊ဘာတွေအခက်အခဲရှိတယ်၊ ဘာဆက်လုပ်ရမလဲ ဆိုတာကို ဆွေးနွေးနိုင်ပါတယ်။ တကယ်တမ်းကျတော့ မြို့နယ်များကလူတွေက တစ်နေရာတည်းဆုံပြီး အတွေ့အကြုံ တွေဖလှယ်ဖို့ကလည်း မလွယ်ပါဘူး။ ငွေကြေးလုပ်ထုံးလုပ်နည်း သိသွားပြီး အမှားတွေလည်း ပြန်ပြင်ပေးလို့ရပါတယ်။ ရှေ့ဆက်တိုးတက်အောင်လုပ်ဖို့ ကိုလည်း တက်ကြွစွာ ဆွေးနွေးကြပါတယ်။ ကိုယ်ရဲ့ကျန်းမာရေးဝန်ကြီးဌာနကြီးတစ်ခုလုံး တိုးတက်ဖို့ဆို တော့ ၀မ်းသာတယ်။ ပျော်တယ်ပေါ့။

ဒေါက်တာမြင့်စိုး၊ ခရိုင်ကျန်းမာရေးဦးစီးဌာနမှူး၊မအူပင်

ပထမအကြိမ်သင်တန်းတုန်းက ဘဏ္ဍာရေးနဲ့ ပတ်သက်တဲ့ ဗဟုသုတတွေကို ရရှိပါတယ်။ အခုလည်း ဒီထက်ပိုပြီး သိရှိလာရပါတယ်။ အရင်က သင်တန်းထက်ပိုကောင်းလာတယ်။ သင်တန်းပို့ချချက်တွေနဲ့ စံလုပ်ထုံးလုပ်နည်း စာအုပ်တွေကို အားလုံးမြန်မာပြန်ဆိုထားပြီး အချိန်မှီဝေထား တဲ့အတွက် ကျွန်တော်တို့ လိုက်မှတ်ရတာ လွယ်ကူပါတယ်။ ဒီစာအုပ်ထဲမှာ ပါတာနဲ့ Power Point က အံကိုက်တယ်ပေါ့။ ဒီတော့ ကျွန်တော်တို့ကလိုက်မှတ်ရတာလွယ်ကူပါတယ်။

၂၀၁၃ သင်တန်းတက် ဒီသင်တန်းကပိုပြီး အကျိုးရှိတယ်။ ပိုပြီးအဆင်ပြေတယ်။ ကျေးဇူး တင်ပါတယ်။ဒါပေမဲ့သင်တန်းသားဖိတ်ကြားတဲ့အခါမှာကျွန်တော်တို့လက်တွေ့လုပ်နေရတဲ့လူပါသလိုလုပ်ငန်းလက်တွေ့ဆောင်ရွက်မှုမရှိတဲ့ ငွေကိုင်စာရေးတွေလည်း ပါပါတယ်။ သူတို့ကတော့ တစ်စိတ်တစ်ပိုင်း အကျိုးရှိပါတယ်။ လုံးဝအကျိုးမရှိတဲ့ လူတော့မရှိပါဘူး။ နောင်အခါမှာ သင်တန်းသား ဖိတ်ခေါ်ရင် တစ်မြို့နယ်နဲ့ တစ်မြို့နယ်အခြေအနေခြင်းမတူတော့သက်ဆိုင်ရာမြို့နယ်ကျန်းမာရေးဦးစီးဌာနမှူးတွေဆီမှာ တိုင်ပင်ညှိနှိုင်းခေါ်မယ်ဆို ရင် Solid (၁၀၀ %) သင်တန်းသာရပါမယ်။ အကြံပြုလိုပါတယ်။

ဒေါက်တာဥမ္မာအေး၊ မြို့နယ်ကျန်းမာရေးဦးစီးဌာနမှူး၊ မကွေး

ဒီသင်တန်းကနေပြီးတော့ ဘဏ္ဍာရေးလုပ်ထုံးလုပ်နည်းတွေကိုသိရပါတယ်။ ဒါ့အပြင် process တွေကို သိရှိပြီး ပိုမိုစနစ်တကျ လုပ်တတ်ကိုင်တတ် ကြီးကြပ်တတ်လာပါတယ်။ Monitoring and Evaluation မှာကျွန်မတို့ကျန်းမာရေးဝန်ကြီးဌာနမှာပေးတဲ့ChecklistတွေကိုUNOPSမှမကဘဲကျန်းမာရေး ဝန်ကြီးဌာနဘက်ကပါ စုပေါင်းပြီး တစ်ပုံစံတည်းဖြစ်အောင် ဘယ်နေရာမှာဘဲသုံးသုံးဒီChecklist ဘဲ သုံးလို့ရအောင် ပြုစုနိုင်မယ်ဆိုရင် ကျွန်မတို့အတွက် ပိုပြီး အဆင့်တိုင်းမှာ ပိုအကျိုးရှိပါတယ်။

ဒေါက်တာသန်းထွန်း၊ ဆေးရုံအုပ်၊ မင်းဘူး

ကျွန်တော်တို့ဆရာဝန်တွေအခက်အခဲတွေ့နိုင်တဲ့ငွေကြေးဆိုင်ရာစီမံခန့်ခွဲမှုကိုတင်ပြဆွေးနွေးမယ်ဆိုတော့အရမ်းကောင်းပါတယ်။အရမ်းအကျိုးရှိပါတယ်။နေ့စဉ်နှင့်အမျှကျန်းမာရေးစောင့်ရှောက်မှုဆေးကုသမှုတွေပေးနေရတဲ့အတွက်ငွေရေးကြေးရေး၊ကိန်းဂဏန်းတွက်ချက်တာတွေ တောတောလေးဝေးနေခဲ့ရပါတယ်။ ဒီနေ့သင်တန်းကကုန်ပစ္စည်းဝယ်ယူခြင်း(procurement) ကိုဆွေးနွေးပါတယ်။ ဒါကတော့သိသင့်သိထိုက်ပါတယ်။ကိုယ်တိုင်ဝယ်ယူလာတဲ့အခါ budget ရတဲ့အချိန်နဲ ကျွန်တော်တို့လုပ်ရမဲ့အချိန်နဲ့ဆိုရင်အခက်အခဲတွေကတော့ ရှိနေအုံးမှာဘဲ budget စည်းကမ်းတွေကိုသိလာရတယ်။ အပေါ်ကလာတဲ့ plan တွေကို အကောင်အထည်ဖော်နေရာကနေ အကျင့်တွေရှိခဲ့တော့ အခုမှကိုယ်ဟာကိုယ်လုပ်ရမယ့်ဆိုတော့ plan ဆွဲရတော့မယ်ဆိုတော့ တော်တော်ခက်မယ်ထင်နေတာမနေ့ကသင်ပေးလိုက်တဲ့အခါကျတော့မှplanဆွဲတာကိုယ်လုပ်နေတဲ့အလုပ်ကိုအသာယာလေးစီစဉ်ပြီးတော့သေသေချာချာစနစ်တကျလေးတင်ပြသွားတာဖြစ်ပါတယ်။ plan ဆွဲတာနဲ့ပတ်သက်ပြီးတော့ငွေကိုင်စာရေးကြီးတွေအပြင်ပြည်သူ့ကျန်းမာရေးဘက်ကခေါင်းဆောင်တစ်ယောက်ယောက်ပါ ခေါ်လိုက်ရင်ပိုကောင်းပါမယ်။ကျွန်တော်တို့မြို့နယ်သူနာပြုကြီးတွေ၊ဆေးမှူးတွေပါသိသွားရင် ကောင်းမယ်။ဒါကတော့ကျွန်တော်ရဲ့ကိုယ်ပိုင်ထင်မြင်ယူဆချက်ဖြစ်ပါတယ်။

ဒေါက်တာခင်ပပနိုင်၊ပြည်သူ့ကျန်းမာရေးစီမံကိန်းအရာရှိ၊UNOPS

ကျွန်မတို့ဒီသင်တန်းစဖို့ ပြင်ဆင်ရတာ တစ်လခွဲနှစ်လကြာပါတယ်။ ဒီသင်တန်းမှာဖိတ်မဲ့ ဆရာကြီး၊ဆရာမကြီးတွေရဲ့စာရင်းကိုအမျိုးသားစီမံကိန်းများနဲ့အတူတူညှိနှိုင်းဆွေးနွေးပါတယ်။ ပြီးတော့ အသေးစိပ် logistic ၊ admin စသည်တို့မှာဘယ်အပိုင်းကို ဘယ်လိုစီစဉ်မယ်ဆိုတာကို အုပ်စုခွဲပြီး စီစဉ်ပါတယ်။ ကျန်းမာရေးဌာနဘက်ကလည်း ဘာတွေလိုအပ်မလဲဆိုတာကို တိုင်ပင်ဆွေးနွေး ကြပါတယ်။ တစ်ပတ်တစ်ခါဘာလုပ်ပြီးပြီး၊ကျန်တယ်ဆိုတာကိုလည်းchecklistတွေနဲ့ဆွေးနွေးကြပါတယ်။အကြမ်းအား ဖြင့်သင်တန်းသားစုစုပေါင်း၁၀၀၀ကျော်လောက်သင်တန်းကာလအစအဆုံးမှာတက်ရောက်ခဲ့ကြပါတယ်။

တစ်လခွဲနှစ်လလောက်အတွင်းမှာတစ်ပတ်တစ်ခါ အသေးစိတ်တိုင်ပင်ဆွေးနွေးခြင်းရဲ့ အကျိုးဆက်ကတော့ ကျွန်မတို့သင်တန်းသားအားလုံးကိုအချိန်မှီဖိတ်နိုင်ပြီး တက်ရောက်တဲ့သင်တန်းသားဦးရေကလည်း တော်တော်များပါတယ်၊၈၅% ၉၀% လောက်အထိသင်တန်းတစ်ခုစီမှာတက်တာကို တွေ့ရပါတယ်။ ကျန်းမာရေးဝန်ကြီးဌာနနဲ့UNOPSအတူတကွပူးပေါင်းဆောင်ရွက်ခြင်းအသေးစိတ်ညှိနှိုင်းဆောင်ရွက်ခြင်းတွေရဲ့ ရလဒ်တွေဖြစ်ပါတယ်။

ဒေါက်တာအီဆာဟာမိုဒါ ဟာမစ် စောင့်ကြည့်အကဲဖြတ်ရေးကျွမ်းကျင်သူ UNOPS

ဒီသင်တန်းကသိပ်ကိုအရေးကြီးပါတယ်ဘာဖြစ်လို့လဲဆိုတော့ဒီနှစ်မှာအလယ်တန်းနှင့်အထက်တန်းကျန်းမာရေး စီမံခန့်ခွဲသူ ၉၀၀လောက်ကိုစီမံကိန်းနဲ့ဘတ်ဂျက်ရေးဆွဲနည်းကိုသင်ကြားပေးပါတယ်။ ပြီးတော့ဒီနှစ်မှာပထမဆုံးအကြိမ်အနေနဲ့စောင့်ကြည့်အကဲဖြတ်ခြင်းကဏ္ဍကိုပါထည့်သွင်းထားပါတယ်။ စောင့်ကြည့်အကဲဖြတ်တယ်ဆိုတာဘာလဲ၊ဘာလို့အဲဒါကရေးကြီးသလဲဆိုတာတွေအပြင်အချက်အလက်တွေရဲ့အရည်အချင်းကိုစာရင်းစစ်တာကိုလည်းလက်တွေ့လေ့ကျင့် ပေးပါ့တယ်။

ပြည့်သူ့ကျန်းမာရေးကဏ္ဍမှာအစိုးရနဲ့နိုင်ငံတကာလုပ်ဖော်ကိုင်ဖက်တွေဆီကရန်ပုံငွေတွေပိုပြီးရလာမှာဖြစ်လို့စောင့်ကြည့်အကဲဖြတ်တာဟာလည်းသိပ်ကိုအရေးကြီးတဲ့လုပ်ငန်းစဉ်ဖြစ်လာပါတယ်။ စောင့်ကြည့်အကဲဖြတ်ခြင်းဟာကမ္ဘာ့ကျန်းမာရေးအဖွဲ့ကချမှတ်ထားတဲ့ကျန်းမာရေးစနစ်တည်ဆောက်မှုအခြေခံမဏ္ဍိုင်ကြီး၆ခုမှာတစ်ခုအပါအဝင်ဖြစ်ပြီးကျန်းမာရေးစနစ်တွေကိုအားဖြည့်ပေးတဲ့အရေးယူဆောင်ရွက်ချက်တစ်ခုဖြစ်သလိုသတင်းအချက်အလက်တွေကိုလည်းကောင်းကောင်းရရှိစေပါတယ်။ နောင်ကိုလည်းဒီလိုအမျိုးသားအဆင့်တပြည်လုံးအတိုင်းအတာနဲ့ပြုလုပ်တဲ့သင်တန်းတွေမှာကျွန်တော်တို့ရဲ့စောင့်ကြည့် အကဲဖြတ်ရေးဆိုင်ရာကဏ္ဍကို အလျင်းသင့်သလို ထည့်သွင်းသင်တန်းပေးသွားပါမယ်။

ဒေါက်တာယမင်းရွှေစင်၊ စောင့်ကြည့်အကဲဖြတ်ရေးအရာရှိ၊ UNOPS

အရင်တုန်းကတော့စောင့်ကြည့်အကဲဖြတ်ရေးကဏ္ဍ မပါခဲ့ပါဘူး။ အခုပါလာတာကတော့ အလုပ်လုပ်တဲ့ အခါက M & E ဟာ ဘယ်လို အရေးကြီးတယ်၊ ဘယ်လိုအခန်းကဏ္ဍတွေကပါတယ် ဆိုတာအတွက်ဒီsectionကိုထည့်ပါတယ်။ ပြီးတော့ကမ္ဘာရန်ပုံငွေကလည်းရန်ပုံငွေတွေပေးမယ်ဆိုတဲ့ ဆုံးဖြတ်ချက်တွေချတဲ့အခါမှာ ရည်မှန်းချက်နှင့် အညီ ဆောင်ရွက်မှုရလဒ်တွေကို စောင့် ကြည့်အကဲဖြတ်ခြင်းအားဖြင့် ပြန်ကြည့်ပါတယ်။ ဆောင်ရွက်မှုရလဒ်ပေါ်မှုတည်တဲ့ ရန်ပုံငွေပေးမှု လုပ်တဲ့အတွက် M & E က အရေးကြီးပါတယ်။ အချက်အလက် တွေကို မှတ်တမ်းတင်ခြင်း၊စာရင်းပြုစုခြင်းနှင့်အစီရင်ခံစာတင်ခြင်းလုပ်တဲ့အခါအချက်အလက်တွေရဲ့အရည်အသွေး ရှိဖို့ဆိုတာက ဘယ်လောက် အရေးကြီးတယ်ဆိုတာကို ဆွေးနွေးတင်ပြခြင်းဖြစ်ပါတယ်။

M & E နဲ့ ငွေကြေးစီမံခန့်ခွဲမှုဟာ ဆပ်စပ်နေပါတယ်။ M & E ကရလာတဲ့ ရလဒ် တွေမှာ မူတည်ပြီးတော့မှ ရန်ပုံငွေ တွေရလာပြီး ငွေကြေးစီမံခန့် ခွဲမှုအတိုင်း ဆက်လက် စီးဆင်းရမှာဖြစ်တဲ့အတွက် ချိတ်ဆက်နေပါတယ်။ ဒါကြောင့် နောက်နောင်သင်တန်းတွေမှာလဲ ထည့်သွင်းထားပါမယ်။

ဒေါ်ခင်ခင်ထွေး၊ဘဏ္ဍာရေးအရာရှိ၊ UNOPS

ကျွန်မကဒီသင်တန်းမှာသင်တန်းဆရာအဖြစ်နဲ့တာဝန်ယူဆောင်ရွက်ပါတယ်။ အုပ်စုဖွဲ့ဆွေးနွေးတာဟာ အပိုင်းနှစ်ပိုင်းပါပါတယ်။ ပထမပိုင်းအုပ်စုဖွဲ့ဆွေးနွေးတာက Good Claim , Bad claim သိအောင်ပါ Bad claimတွေမှာ ဘယ်အချက်ကို ပြင်ရ မလဲဆိုတာ စောင်းပေးပါတယ်။

အားလုံးပဲစိတ်ဝင်တစားပါ၀င်ဆွေးနွေးပြီးငွေတောင်းခံလွှာ များပြီးပြည့်စုံမှုရှိမရှိ အကုန်လုံးလွယ်ကူစွာ ခွဲခြား၊ သိရှိပါတယ်။ ဒုတိယပိုင်း အုပ်စုဖွဲ့ဆွေးနွေးတာက Work plan ပြုလုပ်ခြင်းပါ။ work plan အသေးစိတ် ဘယ်လိုရေးဆွဲသလဲဆိုတာကို သိဖို့ပါ။ Managed Cash Flow ရဲ့starting point က work plan ပါဘဲ။ Work plan နားမလည်ရင် ငွေပေးလို့မရဘဲ ကြန့်ကြာသွားနိုင်ပါတယ်။ အားလုံးပဲ work plan ဆွဲတတ်ကြပါ တယ်။ အားလုံးပဲ တက်တက်ကြွကြွ စိတ်ဝင်တစား အုပ်စုဖွဲ့ဆွေးနွေးကြပါ တယ်။

Managed Cash Flow SOPs - Jan 2015

Training Materials DVDs

Training Assessment

Pre-test/Post-test Questions

Opening Speech - (English)

Opening Speech - (Myanmar)

Watch Video: Together For A Better Future

Read Traning NewsLetter

See some photos of the training